Lo tigre e lo leon

Qu’ei l’istòria d’un tigre qui s’apèra Diegò e d’un leon qui s’apèra Loís. Diegò e Loís que son enemics desempuish hèra longtemps.

Un dia, lo tigre e lo leon que hèn dus  tracanards. Que vòlen gahar ua gasèla tà minjar.

Diegò que’n hè un dab ua  còrda e un hialat. Si sauta dehens, la gasèla qu’ei gahada dens lo hialat.

Loís, eth, que hè un trauc e la nueit seguenta que ved que avèva gahat un ausèth dens lo son trauc.

 

L’endoman, ua gasèla, Esteveneta  qu’ei empresoada dens lo hialat deu tigre.

Mes Esteveneta que s’escad de s’escapar deu tracanard de Diegò .

En s’escapar luenh deu hialat de Diegò, que  cor e que cad dens lo tracanard de Loís. Diegò qu’arriba a costat deu trauc hèit per lo leon.

Loís qu’arriba a costat deu son tracanard .

 

E lo tigre e lo leon que hèn un pacte. Loís qu’accepta de partatjar la gasèla e Diegò qu’ajuda Loís a sortir la gasèla deu trauc.

Diegò e Loís que minjan la gasèla amassa com amics.

 

Benjamin, Joan e Marieu

 

Lo zoo

     Qu ‘ei l’istoria de Cruelà, ua dauna maishanta qui volèva emposoar un tigre pr’mor n’aimava pas los tigres. Un dia qu’èra anada au zoo e Tigron, lo tigre deu zoo, que l’avèva hèit paur. Alavetz qu’avèva decidit de l’emposoar tà’s venjar.

Alavetz que va tau zoo tà’u panar. Mes los proprietàrias ne vòlen pas. Donc, pendent ua nueit, que pana Tigron. Cruelà que pana las claus deu zoo e de la gàbia. Après, que hica lo tigre dens un camion, puish que l’embarra dens lo laboratòri de la soa maison tà’u guardar. Puish que hè carn emposoada. Mes que s’engana de potinga, Tigron que minja la carn, mes n’ei pas malaut, que s’adrom. E la nueit, Tigron que s’escapa, pr’amor Cruelà qu’a desbrombat de barrar la pòrta deu laboratòri. Lo tigre que torna tau zoo. E que s’encontra ua tigressa, Tianà, qui ei ua navèra dens lo zoo e qu’an plen de nenès.

                        

E Cruelà que va en preson pendent tota la soa vita.               .        

 

Liló, Mahé e Zoé               

Purmèra aventura…

 Un dia Artur qu’arriba en avança au cors de sciéncias e que prepara la soa mesclanha « BOOM”! l’explosion que’u transfòrma en lop-garon. Qu’a paur e que parteish dens lo bòsc. Suu camin que tròba un lop-garon blaçat per un ors. Artur que ditz au lop-garon :

– « Quin t’apèras ?

– Que m’apèri Jack ”.

E Jack que’u mia dens lo son clan. Lo capdau, Uelh-de-Linx que ditz a Jack :

–  » Hilh, qui ei aqueste intrús ? n’ei pas deu clan que’u cau tuar.

– Si’u vòs tuar, que’m calerà passar suu còs pr’amor que m’a sauvat la vita. ”

Que van a la recèrca de l’ors qui a blaçat Jack tau venjar. Puish que veden l’ors e Jack que ditz a Uelh-de-Linx :

–  » Papa, qu’ei eth qui m’a blaçat. ”

E l’ors que ditz a Uelh-de-Linx :

-” E voletz la patz o la guèrra ? « 

Puish Uelh-de-Linx que ditz :

– ” Que vòli la guèrra. ”

L’ors que torna au son clan e que ditz :

–  » Que vòlen la guèrra. ”

E lo rei deus ors que ditz :

 » Preparatz las armas !! ”

 

Lo rei deus ors qu’apèra lo son cosin tà qui mia tropas. Los lops-garons que basteishen un gran castèth dab mantuas tors tà susvelhar los alentorns . Los ors que lançan sagetas de huec. Lo castèth que pren huec. Los lops-garons que s’escapen deu castèth, a despart de Jack qui s’a pres ua sageta dens lo vente. Que començan la guèrra. Los lops-garons que ganhan. Artur que ditz :

–  » Mes on ei Jack ? ”

Uelh-de-Linx que crida :

        « Ajuda !!!! ”

 

Los lops-garons qu’entran de tira dens lo castèth e Jack qu’ei entri de sofrir puish que ditz a Artur :

– ” Sias hòrt amic que vas víver d’autas aventuras. ”

E Jack que’s moreish. Artur que ditz :

-« Non perqué tu aoooooooooooooooooooooooooooooooo”                                                      

                                        

 Etienna, Lòan e Pèir

 

Axel vs zòmbis

Calandreta 14.00

 Qu’ei l’istòria d’un mainat qui s’apèra Axel e qu’ei gahat aus jòcs videos e subretot que l’agrada «Tancs vs zòmbis». Un ser, que s’endromí davant lo jòc « Tancs vs zòmbis”. Lo lector de la consòla que s’obreish e lo jòc que l’absòrba. Quan se desvelhè que s’arretrobè dens un tanc que sortí lo cap e que vedó ua armada de zòmbis. Quauques instants après, que comprengó qu’èra dens lo son jòc. Que’u semblava impossible mes qu’èra la realitat. Tot d’un còp, un zòmbi que’u sautè au còth e ua estroncadera que copè lo cap deu zòmbi. Un mainat de l’atge d’Axel qu’arribè e que digó:

– Torna entrar dens lo tanc. Que vau préner lo men e qu’arribi tà t’ajudar.

 

Quan avón acabat d’eliminar tots los zòmbis, que tornèn tà la base deus tancs.

Lo mainat qui avè sauvat la vita d’Axel que’s presentè.

– Que m’apèri Tomàs e tu ?

– Jo que m’apèri Axel.

 

– E au fèit, Tomàs ? E sabes quin cau har tà tornar tà noste ?

– Non que hè tres ans qui soi aquiu, qui luti contre los zòmbis e qui ensagi de trobar un mejan de sortir d’aquiu.

 

Axel qu’avó un moment de silenci e tot d’un còp que s’exclamè :

– Mes Tomàs qu’èm au quantau nivèu ?!

– Au nivèu 193, perqué ? 

– Ha ha, que pensi qu’èi trobat un mejan de sortir d’aquiu !

– Si’m brembi plan que i a 200 nivèus ?

 

Un mes mei tard tot los tancs qu’èran mobilizats sus un gran camp tot rasat ua grana armada de zòmbis arquèrs e barbares darrèr eths ua grana linha de zòmbis gigants. 

Un gigant qu’esglaishè lo tanc de Tomàs. Axel que’s precipitè suu gigant e que’u copè las camas dab un obús. Puish que’s precipitè dens lo tanc de Tomàs que l’arretrobè shens las camas que’usortí e que tuè tots los zòmbis. Que miè Tomàs tà l’espitau. Puish ua tempèsta que’us emportè e que s’arretrobèn suu canapè.

 

          Lilian, Matahi e Quentin

Lo coala e la girafa

 

Un dia, Mimi, un coala, que beu ua botelha de cocà energizant puish que la geta.

Que i a tanben au ras, Gini,ua girafa qui ved la botelha. Que la pren e que beu ua gota de cocà e que minja ua poma après tà aver un vrespèr equilibrat. Puish que torna tastar enqüèra lo cocà e que vad hèra bèra dab hèra de muscles e de fòrça.

Un drin mei tard, lo coala que passa e que ved Gini qui drom dab un gròs vente.

Mimi qu’apèra, alavetz tots los animaus de la jungla.

« – Amics, que vam cercar un curadent tots amassa dens la tuta de l’ors. Avisà’t-ve, ne’u cau pas desvelhar senon que’ns va minjar, ce ditz Mimi.

– Que’t vau ajudar, ce ditz lo linx, que vau portar lo curandent amassa.

– E jo tanben que’vs vòli plan ajudar, ce ditz la ièna. « 

 

Los animaus que prenen lo curadent e qu’ac hican dens lo vente de Gini. Gini que’s desgonfla doçament.

Après aver suenhat la girafa, Mimi, lo coala que beu la darrèra gota de cocà e qu’ei au son torn : lo son vente que gonfla, que gonfla… e que vad enòrme.

 

Gini e tots lo animaus que vienen ajudar Mimi e que tiran sus la coda deu coala e Mimi que desgonfla e tot que va plan.

Fin finala que vaden tots amics.

 

Julieta e Enzò

 

Poesia : Que’m cridas

Que’m cridas

pr’amor qu’èi los dits

pigalhats de colors 

negre-roman policièr

o jaune-sable de las plaà§òtas

per còps blanc-banquisa 

o roi-revolucion

e tanben blu-tumada

Que’m cridas

e que t’enganas 

los dits que’us m’èi trempats

dens l’amistat

de las mans

deus mainats

deu barri

 

deus mainats   

deu monde sancèr.

 

arrevirat de Joà«l Sadeler (1938 – 2000)

qu’escoti QUE’M CRIDAS

 

Los nimfeas

<span= »>Après aver observat tablèus de la seria deus Nimfeas de Claude Monet, en arts visuaus qu’avem realizat nenufars en volum en utilizar tinta qui balha un efèit drin fosc com lo deus tablèus de Monet.

 

 

IMG_7969    IMG_7968