SAINT-ETIENNE DE BAÏGORRY MAI 2015

La classa de PS-MS-GS que passè 3 dias en classa descobèrta a Saint-Etienne de Baïgorry en companhia de la classa mairau de la Calandreta d’Ortès.

Au programa, arreconéisher las huelhas d’arbos, com las deu castanhèr, de l’averanhèr,deu hraisho dens lo bòsc.

Los mainats qu’observèn rapaç dens lo cèu

e un mialòc que passè.

Lo sejorn que s’acabè per la recèrca de las bestiòtas d’aiga.

Lo huec

Qu’avem hèit huec com a la preïstòria : que son Mailia, Lili-Jana e Julieta qui s’i son escadudas.

Petita recèpta tà har huec :
un arc dab un òs de còsta e cordeta
un òs de còth, ua vertèbra
un baston puntut
ua tauleta de gèira
ua tauleta de husta devath
Tà har huec qu’èra hèra hèra dur e long. Ne calè pas tremolar e que calè har longtemps dab l’arc.
Dens cada grop, que i avè quauqu’un qui tienè la tauleta de gèira dab los dus pès, un aute qui tienè lo haut deu baston plan hòrt dab la vertèbra e enfin un qui virava lo baston dab l’arc.
Purmèr que calèva har un nenè huec. Un còp lo nenè huec hèit, qu’avem plen de posca negra.
Lo huec mainat que fuma un drin.
Lo huec adolescent qu’a lutz, que vedem las brasas. Aquiu que’u cau balhar a minjar : camparòu (l’esca / l’amadou) e drin d’aire en bohar.
Lo huec adulte que’u balham èrbas secas tà que sia mei gran puish qu’ei lo papi huec.

Naís, Julieta e Mailia

Espòrt

Lo noste entrainaire que s’apèra Patxi. Dab eth qu’avem hèit pelòta au fronton de Sent-Joan Pè de Pòrt.

Dens la pelòta que i a mantuns jòcs, nosautes que hasom a la man nuda, a la pala e a la chistera.

La chistera qu’ei,un long guant perlongat un tistèth de vimi. Tà nosauts qu’èran en plastic. Tà la chistera que cau har un gèsta dab lo punhet tà enviar la pelòta.

La pala qu’ei drin parièr com lo tenis. Manca qu’au lòc de la raqueta, la pala qu’ei de husta e qu’ei sus un fronton.

Qu’avem hèit au jòc de la pòrta : au jòc de la pòrta que trucam dens la pelòta dab ua pala que cau trucar lo fronton en devath de la linha contra la paret e lo qui truca la pelòta e qui ei contra lo fronton, qu’escambia las plaças dab lo qui a lançat.

La pelòta a man nuda qu’ei la basa deus jòcs de pelòta. Que devem tirar entre la pauma de la man e los dits.

Qu’avem hèit au ganha-terrenh a man nuda. Au ganha-terrenh que i a dus frontons,duas equipas e que devem tirar tà tocar l’aute fronton e quan l’atrapam de volada que hèm tres pas en davant e que tiram a man nuda.

Lilian, Enzò e Lili-Jana.

Sent Joan Pied De Port

Qu’ei ua beròja vila mes hèra anciana. Qu’ei situada sus la Nive, un petit arriu.

Que i avè murralhas. Las murralhas que son construsidas en pèira ròsa. Qu’avem vist mantuas granas pòrtas : la pòrta Nosta-Dauna, la pòrta d’Espanha, la pòrta Sent-Jacmes. Lo camin de Sent Jacmes que passa per aquiu. Qu’avem vist hèra de monde e de pelegrins. Los pelegrins que van dinc a l’Espanha a Santiago de Compostela. Que i a hèra d’endrets tà har dromir los pelegrins que son marcats dab ua claca.

A l’entorn de la vila que i a hèra de vits, qu’ei tà har vin, l’Irouleguy.

Que i avè comuns publics. La mairia qu’èra hèra grana. E qu’èm passat davant ua pizzeria.

Qu’avem devut pujar 210 gradèrs tà arribar a la ciutadèla.

Quentin e Lòan

La pintrura

1-Tà començar que cau hicar òcra e aiga., Mes l’òcra e l’aiga ne foncionavan pas per’mor la pintrura que colava e ne’s vedèva pas plan. Alavetz qu’avem hornit talc.

2-Que mesclam l’aiga,l’òcra e talc dinc a obtiéner ua pro espessa qui dèisha traça de pincèu.

3- Que prenem estampons e que pintram dehens. Que son signes qui vedem dens totas las cuèvas.

Quasi dens totas las pintruras qu’utilizam aquesta recepta dinc a uei.

Melina, Zoé,Mailia

Classa Astronomia a Pont de Camps

Los mainatges de cicle 2 qu’anèn passar tres dias en classa astronomia a Pont de Camps. Lo parat tà tots de descobrir o apregondir las lors coneishenças suus planètas o las estelas.

Mercés a l’associacion Germea que’s poscon servir de materiau professionau tà espiar la nueit las estelas, compréner los moviments deus planètas. Que fabriquèn tanben fusadas, mes ne se son pas escaduts d’enviar a arrés sus la lua.

Tribalh en grop


Lo grop dab lo telescòpe


La classa


Avaloracion de las distàncias dens l’espaci

Vide-grenier le 11 octobre 2015

Notre vide-grenier annuel aura lieu le 11 octobre à la salle Victor Hugo de Lescar. Pour réserver une table ou seulement un espace, vous pouvez téléphoner au 06.21.56.46.58.

Nous tiendrons une buvette où nous proposerons des sandwiches, des quiches, des pâtisseries et des boissons.