Federacion departamentau de las calandretas deus Pirenèus atlantics

Zone Poey 117
2, route principale
64230 Poey de Lescar
Tel : 05 59 68 68 73
federation@calandreta-bearn.org
www.calandreta-bearn.org

---

Fédération Régionale d’Aquitaine des Calandretas

165, rue Georges Clémenceau
33380 Biganos
Tel : 05 56 26 31 69
fede-aquitania@wanadoo.fr
Le BLOG
La page FACEBOOK

---

Confédération Occitane des écoles laïques Calandretas

calandreta.org

Fédération départementale des Calandretas des Pyrénées Atlantiques

L’OSTAU BEARNÉS

Mairie de Lescar

Calandreta Lescar que mantien desempuish mei de vint ans ua identitat e ua cultura occitanas dens ua escòla qui amassa pairs e mainatges. Gavidada directament per los pairs e los regents sus valors de solidaritat, la nosta escòla qu’ei a l’encòp laïca e gratuita entà que nat mainat non sia excludit.

Si la nosta Calandreta ei gratuita, totun qu’a d’estar finançada entà poder assegurar diferentas cargas :

• salaris deu personau d’enquadrament,
• materiau pedagogic,
• despensas de foncionament.

Mercés a las recèptas de las diferentas manifestacions que los pairs apitan e organizan e plan segur, mercés a la generositat de donators, la nosta Calandreta que s’a podut arrecrutar ua ajuda mairau a temps complet en 2012 e tanben ua animatora periescolara en contracte d’aviéner en 2014.
Aquestas duas embauchas que permeten aus calandrons de guardar referentas bilingua e de tribalhar en immersion completa.

Qu’ei un investiment deus grans tà la Calandreta nosta, e tà tiéner aqueste objectiu, que n’aperam a la vòsta generositat.

Atau los mainats que perseguiràn de pravar, d’apréner, de partatjar valors e de transméter la lenga e lo patrimòni culturau nostes dens un esperit d’obertura..

Los mainats e los pairs d’escolans de la Calandreta de Lescar que’v mercejan deu vòste sostien.

Telecargar la plaqueta

L’associacion

L’associacion Calandreta de Lescar qu’estó creada en 1992. Que participa activament au projècte Calandreta e qu’ei garanta de la gestion entà assegurar, dab los regents, un bon foncionament de l’escòla. Las ressorças financèras que vienen de las collectivitats locaus, de las adesions e de las accions miadas peus pairs.

Un conselh d’administracion (C.A.) qu’assegura lo foncionament de l’associacion. Los ensenhaires qu’i son representats. Qu’ei lo lòc de decision. Los membres deu C.A. que son elejuts au cors de l’amassada generau qui’s hè un còp l’an.

Que i son tanben comissions qui mian ua reflexion e perpausan accions dens maines diferents entà assegurar un bon foncionar de l’escòla. Cada pair que i pòt participar. L’escòla e l’associacion que son hèra ligadas. Qu’ei a cada pair, regent o membre de l’associacion de balhar vita a aqueste ligam. Cadun que pòt portar las competéncias soas au projècte.

Las manifestacions organizadas per l’associacion que son tanben lo parat d’encontrà’s e de ligà’s dab las autas familhas, e qu’ei atau qui, tot au long de l’annada, que perpausam activitats tà amassar mainats, pairs e equipa pedagogica : l’aperitiu de la rentrada, ua dimenjada en montanha tà facilitar l’arribada de las familhas navèras, lo garfo deus reis, la hèsta de l’escòla…

Calandreta dens la vita locau

Desempuish la soa creacion, la Calandreta que participa hèra a la vita sociau e culturau suu parçan de Lescar. Que tribalha dab l’Esquireta, associacion culturau de Lescar, a l’organizacion de mantuas animacions com la « Dauba de Nadau » en deceme o lo « Huec de la Sent Joan » cada junh au còr de la ciutat…

L’associacion que participa tanben a « Touskiflot », au « Festival de la petite enfance » a Pau, a la « Faites du Sport » a Lescar en junh… Aquestas manifestacions que perrmeten de har conéisher l’escòla e d’equilibrar lo budget de l’associacion.

Augan, peu dusau còp, l’escòla que participa a las « Journées départementales des familles » en ligam dab lo Réseau Appui Parent, los organismes e las associacions de Lescar ligats a la mainadèra. Calandreta que perpausa talhèrs, animacions e ua conferéncia suu tèma deu desvolopament deus mainatges.

Los associatius e l’equipa pedagogica qu’aprèstan d’ara enlà dab l’associacion « Viravent » los vint ans de l’escòla. La hèsta que’s debanarà lo 6 de julhet 2013. dab un concèrt deu grop « Nadau » e un hèish d’animacions peus petits e grans.

L’escòla que participa a mantuns concors, literaris o autes organizats per associacions o organismes locaus

L’escòla qu’ei integrada a las activitats periscolaras perpausadas peus servicis municipaus de la vila de Lescar, suu temps periscolar.

Calandreta Lescar que hè partida d’un movemen

Calandreta Lescar qu’ei un deus dètz establiments escolars deus Pirenèus-Atlantics (nau escòlas e un collègi) e deus tretze establiments de la region Aquitània.

Cada escòla qu’ei sòcia de la Federacion departamentau e de la Federacion regionau.
Las escòlas que son totas sòcias de la Confederacion occitana de las escòlas associativas laïcas calandretas.
Calandretas, que n’i a sus tot lo domeni occitan.

Telecargar la carta PDF

Arrevirada gascona de la version lengadociana, votada a l’AG de Limoux – 21/05/2005

Introduccion

La Declaracion universau deus drets de l’òmi,
La Convencion internacionau deus drets deus mainatges,
La Carta europèa de las lengas regionaus e minoritàrias,
La Convencion-quadre entà la proteccion de las minoritats nacionaus
qu’afirman lo dret a la diferéncia, lo dret de cadun a s’exprimir dens la soa lenga d’origina, d’on ei gessit, lo dret a un ensenhament dens aquera lenga.
Qu’ei en referéncia a aqueths tèxtes fondamentaus que Calandreta mia la soa accion d’ensenhament en occitan, en desvolopant un esperit de tolerància e de respècte de la diferéncia.

1. L’objectiu

1.1. L’objectiu de Calandreta qu’ei de transméter la lenga e la cultura occitanas aus mainatges en assegurant la lor escolarizacion en occitan a partir de l’escòla mairau. L’occitan ensenhat en ua escòla Calandreta qu’ei lo de la zòna dialectau. Cada establiment Calandreta que tien compte de la realitat de la practica de la lenga dens lo son environament pròche e que participa a las accions en favor deu son espandiment e de la soa reconeishença.

1.2. A Calandreta, pairs, ensenhants e amics de la lenga que s’associan « entà har escòla” en bastir establiments escolars. Cada establiment Calandreta qu’ei miat per ua associacion. La lenga occitana qu’a sa plaça hens de la vita associatiu deu movement Calandreta.

1.3. Calandreta que basteish las condicions d’un bilingüisme vertadèr a partir de l’escòla mairau, en immersion totau, entà dar a cada mainatge l’oportunitat de bastir bonas construccions cognitivas. En elementari, los calandrons que començan a léger purmèr en occitan.

1.4. Que caminan de cap a las lengas e las culturas romanas e totas las autas, en s’emparar sus l’occitan com ua lenga vertebrau.

1.5. Ua mission deus establiments segondaris Calandreta qu’ei de valorizar lo bilingüisme deus mainatges qui vienen deu primari. Aqueth bilingüisme que deu perméter d’arribar a un plurilingüisme en fin de 3au e d’aver lo brevet especiau en occitan.

2. S’associar entà har escòla

2.1. Cada establiment Calandreta qu’ei miat per ua associacion, declarada dens lo quadre de la lei de 1901. L’associacion Calandreta que deu obtiéner l’agradament de la Confederacion. L’associacion e l’equipa pedagogica que s’emparan de la mesa en òbra de la Carta de las Calandretas.

2.2. Calandreta qu’auhereish un servici public d’ensenhament en occitan dens los establiments laïcs on l’ensenhament ei a gratis. Aqueth movement associatiu qu’ei independent de las organizacions politicas, sindicaus e religiosas. Entà hicar en òbra lo projècte son e entà’u desvolopar, Calandreta que basteish ua collaboracion efectiva enter las collectivitats territoriaus, los ensenhants e los pairs.

2.3. L’associacion que anda ligam dab la confederacion de las Calandreta e las federacions departamentaus e regionaus designadas per la confederacion.

2.4. Calandreta qu’associa las voluntats, las energias e las competéncias entà desvolopar l’emplec de l’occitan com lenga d’usatge per tota la vita de l’escòla. Calandreta que desira que los pairs de calandrons e favorizèssen, en la vita familiau, un ambient propici a l’emplec quotidian de l’occitan. Per aquera rason, Calandreta que s’engatja a facilitar l’entrada de tots dens la lenga e la cultura occitanas1.

2.5. L’associacion qu’a ua responsabilitat cap au personau qui tribalha dens l’establiment, que’n sia dirèctament l’emplegador o pas. Los ensenhants pagats per l’Estat que’n son mercés a un contracte d’associacion signat enter l’Estat e Calandreta.

2.6. Per çò d’administratiu, l’associacion e lo capdau d’establiment que prenen las decisions amassas, quitament se ei aqueste l’interlocutor de l’Educacion Nacionau.

2.7. En los establiments Calandreta, los « rescambis” que son un lòc privilegiat on partatjar lo projècte enter pairs e ensenhants. Lo lòc on s’elabòra lo projècte Calandreta qu’ei lo congrès, tots los actors deu movement qu’i son convidats.

3. Immersion e Pedagogia.

3.1. En cada establiment Calandreta, l’occitan qu’ei lenga per ensenhar e lenga ensenhada, autant a l’orau com a l’escriut.

Calandreta qu’emplega lo metòde de l’immersion prendiva a l’escòla mairau2. En particular, Calandreta que constata qu’ua lenga qu’ahorteish l’auta e que cau acordar aus mainatges lo temps necessari entà que’s basteishen eths medish los lors aprentissatges.

3.2. Los aprentissatges que’s hèn purmèr en occitan, puish lo francés qu’entra en classa un còp hèita l’aquisicion de la lectura en occitan, chic a chic, pendent lo cicle 2, de faiçon individualizada.
Las òras de francés en primari a Calandreta que son organizadas cada setmana atau : CE1 > 3 òras, CE2 > 4 òras, CM1 > 5 òras, CM2 > 6 òras.
Calandreta que causeish la grafia classica e las nòrmas perpausadas peu Conselh de la Lenga Occitana3.

3.3 La lenga occitana qu’ei lenga de cultura : lo projècte pedagogic qu’includeish la descobèrta de la literatura occitana dab tots los aspèctes culturaus. Los calandrons que’s familiarizan en classa, chic a chic, dab tot lo maine lingüistic occitan, dab tots los sons grans parlars. L’aprentissatge d’ua tresau lenga que pòt començar a comptar de la fin deu cicle 2au deu primari4.

3.4. Los ensenhants que tribalhan en equipa pedagogica d’establiment e que s’amassan au mensh un còp per setmana en « conselh”. Aquera equipa que prepara lo projècte de l’escòla dens lo quadre de la Carta de las Calandretas, e que garanteish autant la plaça de la lenga dens cada establiment que l’orientacion pedagogica en las classas. Calandreta, dab los ensenhants organizats en equipas pedagogicas e en associacion dab l’establiment APRENE5, que desvolopa un metòde de pedagogia qui tien compte principaument, dens la practica, deus tribalhs deus corrents pedagogics « tecnicas Freinet” e « pedagogia institucionau”6 e deus psicolingüistas sus l’educacion bilingua en immersion prendiva7.

3.5. Calandreta qu’encoratja la mesa en plaça d’institucions dens las classas8 qui balhan la paraula aus mainatges, qui los rend autonòmes, qui organizan la vita deus grops, qui obreishen la classa de cap a l’exterior.

3.6. L’objectiu qu’ei d’assegurar ua continuitat de la mairau au licèu, e de dar sens aus aprentissatges. Los establiments Calandreta que desvolopan ua pedagogia de la persona actora en un grop, adaptada tant au 1èr com au 2nd grad.

3.7. Lo lòc d’elaboracion deu projècte Calandreta qu’ei au congrès. Los ensenhants qu’i participan. Que son presents tanben a las amassadas federaus deus ensenhants e qu’an representants elejuts dens cada institucion de Calandreta. Los ensenhants que son actors de la lor formacion iniciau a APRENE e continuan dab lo Centre de Formacion Professionau Occitan. Los ensenhants que respèctan las instruccions oficiaus de l’Educacion Nacionau e lo nivèu escolar deus mainatges que deu estar en conformitat dab las soas instruccions. En los establiments Calandreta, « Rescambi” qu’ei lo lòc privilegiat on partatjar lo projècte.

4. Accion culturau.

Cada establiment Calandreta que mia ua accion culturau occitana e que participa a la vita culturau deu son environament.

Aquò que balha sens a la lenga peus calandrons, que dinamiza la Calandreta, que mielhora la convivialitat e la coesion, e de mei que finança un drin lo foncionament de l’establiment. Aquera accion culturau sus la plaça publica que deu har conéisher e reconéisher Calandreta per la populacion e per las institucions. Entà la miar, las associacions Calandretas que publican un calendari annau de las hèitas culturaus occitanas. A cada amassada de l’associacion, l’activitat culturau occitana qu’a la soa plaça peu miei de las questions deu dia.

Conclusion :

Aquesta carta que fixa los principis comuns enter los establiments Calandreta afiliats a la Confederacion Occitana de las Calandretas.

Entà poder serví’s deu nom de Calandreta, ua associacion que deu obtiéner e mantiéner la soa afiliacion a la Confederacion, aderir a la Carta, e ne respectar autant los tèrmis que l’esperit.

Los quatre aspèctes, l’associatiu, lo lingüistic, lo pedagogic e lo de las practicas culturaus occitanas ne’s pòden pas desseparar : qu’ei l’encontre deus quatre qui s’identifica devath deu vocable « Calandreta ».

Nòtas :

[1] Per exemple, qu’ajuda la tienguda de « setmanèrs” a l’escòla (session setmanèra on los adultes e’s pòden banhar dens la lenga occitana de lor).

[2] En referéncia a l’òbra deu professor Jean Petit e a las recèrcas de Lambert e Taylor

[3] Calandreta que causeish la nòrma classica entà ensenhar las estructuras gramaticaus e lexicaus aus mainatges e com utís de tribalh quotidian. Per autant, Calandreta que favoriza l’accès deus mainatges a las òbras literàrias e a las autas produccions escriutas dens la nòrma grafica dita mistralenca, dens ua tòca d’obertura culturau e ua coneishença deus autors màgers de la nosta literatura.

[4] Se per cas un intervienent exterior n’ei cargat, que deu demorar de tot biais en coeréncia dab las practicas pedagogicas deus ensenhants.

[5] Establiment d’ensenhament superior associatiu creat per la Confederacion Occitana de las Calandretas en 1996 entà assegurar la formacion iniciau deus ensenhants dens lo quadre obèrt peu protocòle d’acòrd signat dab l’Estat e segon las prescripcions de Calandreta.

[6] Mei que mei de Celestin Freinet, Fernand Oury e René Laffitte …

[7] Mei que mei Jean Petit e Gilbert Dalgalian …

[8] Los « mestièrs », lo « Conselh », lo « Qué de nau, « l’auto-evaluacion », las « cintas de color », lo « jornau escolar », la « correspondéncia escolara », lo « tèxte libre » dab la « causida de tèxte », lo « marcat » dab « la moneda”, que son exemples de dispositius instituits en classa a Calandreta (aquera lista n’ei pas prescriptibla).

Un seishantenat de calandrons que son arcuelhuts en tres classas.
Los locaus de l’escòla que son a l’interior de l’estadi esportiu, au ras de la piscina.
Rue du Lieutenant de vaisseau Garnuchot 64230 Lescar

Los cors que’s debanan de 8h45 dinc a 11h45 e de 13h30 dinc a 16h30.
L’arcuelh periscolar que’s hè dens los locaus de l’escòla de 7h30 dinc a 8h45 e de 16H30 dinc a 18h30.

La cantina que’s hè suu site dab ua ajuda au repaish taus calandrons mei joens.

Calandreta « qu’ei aquò ? »

Calandreta qu’ei ua escòla ubèrta a tots, qu’ei laïca e gratuita.
L’escolaritat que comença dab la petita seccion de mairau e que’s persegueish dinc au CM2.

Calandreta qu’arrespècta las Instructions Oficiaus. Las competéncias aquesidas peus escolans que son confòrmas aus programas de l’Educacion Nacionau, qu’ei ua escòla reconeishuda per l’Estat.
Los ensenhaires que son professors de las escòlas titulars : qu’an ua formacion lingüistica e pedagogica especifica. Lo personau d’enquadrament de l’escòla qu’ei tanben bilingüe.

L’escòla Calandreta de Lescar que s’a ubrt las pòrtas en seteme 1993.
L’escòla ei gerida per ua associacion lei 1901.

Escola Presentacion

L’enseignement se fait en occitan béarnais selon le principe de l’immersion linguistique précoce : en cours, en récréation, comme à la cantine…

L’occitan est langue d’enseignement et langue enseignée. L’objectif est de permettre à chaque enfant de maîtriser, à l’écrit comme à l’oral, l’occitan et le français.
Le français est introduit à partir du CP, afin que les enfants soient au même niveau que les autres élèves, lorsqu’ils entrent au collège.

Depuis 2005, un collège Calandreta accueille les enfants sur l’agglomération de Pau.

La pédagogie et les institutions

Calandreta a pour objectif de mettre en place les conditions d’un véritable bilinguisme. Les enfants baignent dans la langue occitane béarnaise dès leur entrée à l’école maternelle. Ils apprennent naturellement cette langue car elle est le moyen de communiquer avec les adultes et les autres enfants ; elle est aussi l’outil de transmission des savoirs..

La pédagogie active se joint au bilinguisme pour que l’enfant soit au centre de l’acte éducatif. Les Calandretas se distinguent par leur pédagogie active dite institutionnelle. Les principaux objectifs de cette pédagogie sont de contribuer à l’épanouissement de l’enfant, d’assurer son développement cognitif et social, de lui permettre d’acquérir les connaissances en référence aux programmes officiels de l’Education Nationale..

Les institutions mises en place à l’école sont des moments ritualisés. Les plus importants sont :

• Le « Que de nau ? » : C’est un temps privilégié d’expression et d’échange à partir du vécu des enfants. C’est généralement là que les enfants commencent à parler occitan à l’aide de phrases rituelles..
• Le « bilanç meteò » et le « conselh » : Ce sont des institutions de régulation. Le conseil est aussi un lieu de décision concernant la vie de la classe..
• Les « mestièrs » : il s’agit de la prise en charge par les enfants des tâches collectives..
• Les « talhèrs » : Les activités sont choisies par les enfants parmi plusieurs propositions..
• Les « cintas » : elles permettent l’auto-évaluation des enfants..

Quelques questions avant d’inscrire mon enfant

Je ne parle pas occitan, puis-je scolariser mon enfant à Calandreta ?
Oui, bien sûr, c’est une école ouverte à tous, tous les enfants peuvent devenir bilingues même s’ils n’ont pas connaissance de la langue à la maison.

Mon enfant saura-t-il bien parler et écrire le français ?
À la fin du primaire, les enfants ont le même niveau que les autres élèves.
Calandreta suit les programmes de l’Éducation Nationale.

Apprendre l’occitan, le béarnais pourquoi ?
• Pour comprendre notre environnement culturel et le perpétuer.
• Parce que c’est une langue romane qui facilite l’apprentissage des autres langues.

Comment mon enfant va-t-il trouver sa place ?
• Grâce à des rythmes adaptés.
• Grâce à des responsabilisations au sein de la classe.
• Grâce à la solidarité, l’entraide et la tolérance car les classes sont multi-niveaux.
• Les ateliers inter-classes sont réguliers.

Quelle est la spécificité de l’école ?
• La pédagogie est active et institutionnelle.
• L’enseignement et les apprentissages se font en immersion linguistique.
• Écoute et proximité avec les parents.
• Elle est gratuite, laïque et associative.

Qu’est-ce qu’une école associative ?
Elle est gérée par un conseil d’administration de parents.

Y-a-t’il des sorties scolaires ?
Oui, des classes de découverte en lien avec les projets de classes et des sorties culturelles et pédagogiques sont organisées de la maternelle jusqu’au CM2.

Quels sont les services offerts par l’école?
L’école dispose d’une cantine ainsi que d’une garderie gratuite à partir de 7h30 et jusqu’à 18h30.

Comment inscrire mon enfant ?
En prenant contact avec l’équipe pédagogique par téléphone au 05 59 81 06 47 ou bien en nous contactant par message électronique à calandreta.lescar@yahoo.fr. Nous fixerons ensuite un rendez-vous pour vous présenter l’école.